(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.262. అధ్యాయః 262
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
వాయునా హైహయంప్రతి దేవానాం ప్రార్థనయా అగ్నిసర్జనేన కపహననరూపబ్రాహ్మణమహిమోక్తిః॥ 1 ॥
Mahabharata - Anushaasana Parva - Chapter Text

భీష్మ ఉవాచ।

తూష్ణీమాసీదర్జునస్తు పవనస్త్వబ్రవీత్పునః।
శృణు మే బ్రాహ్మణేష్వేవ ముఖ్యం కర్మ జనాధిప॥ 13-262-1(91895)
మదస్యాస్యమనుప్రాప్తా యదా సేంద్రా దివౌకసః।
తదైవ చ్యవనేన ద్యౌర్హృతా తేషాం వసుంధరా॥ 13-262-2(91896)
ఉభౌ లోకౌ హృతౌ మత్వా తే దేవా దుఃఖితాఽభవన్।
శోకార్తాశ్త మహాత్మానం బ్రహ్మాణం శరణం యయుః॥ 13-262-3(91897)
దేవా ఊచుః। 13-262-4x(7701)
మదాస్యవ్యతిషిక్తానామస్మాకం లోకపూజిత।
చ్యవనేన హృతా భూమిః కపైశ్చైవ దివం ప్రభో॥ 13-262-4(91898)
బ్రహ్మోవాచ। 13-262-5x(7702)
గచ్ఛధ్వం శరణం విప్రానాశు సేంద్రా దివౌకసః।
ప్రసాద్య తానుభౌ లోకావవాప్స్యథ యథాపురం॥ 13-262-5(91899)
తే యయుః శరణం విప్రానూచుస్తే కాంజయామహే।
ఇత్యుక్తాస్తే ద్విజాన్ప్రాహుర్జయతేహ కపానితి॥ 13-262-6(91900)
భూగతాన్హి విజేతారో వయమిత్యబ్రువంద్విజాః।
తతః కర్మ సమారబ్ధం బ్రాహ్మణైః కపనాశనం॥ 13-262-7(91901)
తచ్ఛ్రుత్వా ప్రేషితో దూతో బ్రాహ్మణేభ్యో ధనీ కపైః।
స చ తాన్బ్రాహ్మణానాహ ధనీ కపవచో యథా॥ 13-262-8(91902)
భవద్భిః సదృశః సర్వే కపాః కిమిహ వర్తతే।
సర్వే వేదవిదః ప్రాజ్ఞాః సర్వే చ క్రతుయాజినః॥ 13-262-9(91903)
సర్వే సత్యవ్రతాశ్చైవ సర్వే తుల్యా మహర్షిభిః।
శ్రీశ్చైవ రమతే తేషు ధారయంతి శ్రియం చ తే॥ 13-262-10(91904)
వృథా దారాన్న గచ్ఛంతి వృథా మాంసం న భుంజతే।
దీప్తమగ్నిం జుహ్వతే చ గురూణాం వచనే స్థితాః॥ 13-262-11(91905)
సర్వే చ నియతాత్మానో బాలానాం సంవిభాగినః।
ఉపేత్య శనకైర్యాంతి న సేవంతి రజస్వలాం।
స్వర్గాతిం చైవ గచ్ఛంతి తథైవ శుభకర్మిణః॥ 13-262-12(91906)
అభుక్తవత్సు నాశ్నంతి గర్భిణీవృద్ధకాదిషు।
పూర్వాహ్ణేషు న దీవ్యంతి దివా చైవ న శేరతే॥ 13-262-13(91907)
ఏతైశ్చాన్యైశ్చ బహుభిర్గుణైర్యుక్తాన్కథం కపాన్।
విజేష్యథ నివర్తధ్వం నివృత్తానాం సుఖం హి వః॥ 13-262-14(91908)
బ్రాహ్మణా ఊచుః। 13-262-15x(7703)
కపాన్వయం విజేష్యామో యే దేవాస్తే వయం స్మృతాః।
తస్మాద్వధ్యాః కపాఽస్మాకం ధనిన్యాహి యథాగతం॥ 13-262-15(91909)
ధనీ గత్వా కపానాహ న వో విప్రాః ప్రియంకరాః।
గృహీత్వాఽస్త్రాణ్యతో విప్రాన్కపాః సర్వే సమాద్రవన్॥ 13-262-16(91910)
సముదగ్రధ్వజాందృష్ట్వా కపాన్సర్వే ద్విజాతయః।
వ్యసృజంజ్వలితానగ్నీన్కపానాం ప్రాణనాశనాన్॥ 13-262-17(91911)
బ్రహ్మసృష్టా హవ్యభుజః కపాన్హత్వా సనాతనాః।
నభసీవ యథాఽభ్రాణి వ్యరాజంత నరాధిప॥ 13-262-18(91912)
హత్వా వై దానవాందేవాః సర్వే సంభూయ సంయుగే।
తే నాభ్యజానన్హి తదా బ్రాహ్మణైర్నిహతాన్కపాన్॥ 13-262-19(91913)
అథాగంయ మహాతేజా నారదోఽకథయద్విభో।
యథా హతా మహాభాగైస్తేజసా బ్రాహ్మణైః కపాః॥ 13-262-20(91914)
నారదస్య వచః శ్రుత్వా ప్రీతాః సర్వే దివౌకసః।
ప్రశశంసుర్ద్విజాంశ్చాపి బ్రాహ్మణాంశ్చ యశస్వినః॥ 13-262-21(91915)
తేషాం తేజస్తథా వీర్యం దేవానాం వవృధే తతః।
అవాప్నువంశ్చామరత్వం త్రిషు లోకేషు పూజితం॥ 13-262-22(91916)
ఇత్యుక్తవచనం వాయుమర్జునః ప్రత్యువాచ హ।
ప్రతిపూజ్య మహాబాహో యత్తచ్ఛృణు నరాధిప॥ 13-262-23(91917)
అర్జున ఉవాచ। 13-262-24x(7704)
జీవాంయహం బ్రాహ్మణార్థం సర్వథా సతతం ప్రభో।
బ్రహ్మణ్యో బ్రాహ్మణేభ్యశ్చ ప్రణమామి చ నిత్యశః॥ 13-262-24(91918)
దత్తాత్రేయప్రసాదాచ్చ మయా ప్రాప్తమిదం బలం।
లోకే చ పరమా కీర్తిర్ధర్మశ్చాచరితో మహాన్॥ 13-262-25(91919)
అహో బ్రాహ్మణకర్మాణి మయి మారుత తత్త్వతః।
త్వయా ప్రోక్తాని కార్త్స్న్యేన శ్రుతాని ప్రయతేన చ॥ 13-262-26(91920)
వాయురువాచ। 13-262-27x(7705)
బ్రాహ్మణాన్క్షాత్రాధర్మేణ పాలయస్వేంద్రియాణి చ।
విప్రేభ్యస్తే భయం ఘోరం తత్తు కాలాద్భవిష్యతి॥ ॥ 13-262-27(91921)

ఇతి శ్రీమన్మహాభారతే అనుశాసనపర్వణి దానధర్మపర్వణి ద్విషష్ట్యధికద్విశతతమోఽధ్యాయః॥ 262 ॥

Mahabharata - Anushaasana Parva - Chapter Footnotes

7-262-4 కపైః సురవిశేషైః। దివం ద్యౌః॥ 7-262-8 ధనీనామ దూతః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.